Policia Rrugore njoftoi se po vijon aksionin në të gjitha rrugët urbane dhe interurbane të kryeqyteti, e shqetësuar nga numri i madh i drejtuesve të makinave që ecin me shpejtësi duke thyer çdo rregull e rrezikuar jetë.

"Nga kontrollet policore, me radar dhe me dragër, rezulton se shumë drejtues mjetesh dhe motomjetesh e trajtojnë rrugën si pistë avioni, ndërsa mjetin si avion, duke u ekspozuar ndjeshëm ndaj rrezikut  për t’u përfshirë në aksidente rrugore. 

Këto raste, për shkak të shpejtësisë, nivelit të alkoolit në frymëmarrje dhe mënyrës agresive në drejtim, mund të jenë edhe udhëtimi i fundit për ta."