Alvini 11-vjeçar humbet gjurmët në kampet e ISIS, babai ngre alarmin

Alvini 11-vjeçar humbet gjurmët në kampet e ISIS, babai ngre alarmin

21:47, 18/10/2019
A+ Aa A-

Babai i 11-vjeçarit shqiptar Alvin Berisha, që mbahet i izoluar në kampet e ISIS në Siri, ka humbur gjurmët e të birit.

I kontaktuar nga Abc News, në gjendje të rënduar emocionale, Afrim Berisha rrëfeu se mbrëmjen e sotme ka mësuar se i biri nuk gjendet me në kampin e “Al Holit”.

Ai ka treguar se, kontaktin e fundit më të birin e ka patur ditën që është ndarë prej tij, pasi nuk e ka nxjerrë dot nga kampi, me 25 shtator.

Që prej asaj dite ai nuk ka patur me kontakte telefonike me të birin.

Por, drama e familjes Berisha merr përmasa më të mëdha mbrëmjen e sotme, kur babai nga një kontakt i tij në Siri, mësoi se i biri nuk gjendej me në kamp, pa arritur t’i tregojnë se ku mund të jetë.

I trembur për sigurinë e të birit, Afrim Berisha tha për Abc News se do të niset menjëherë sërish drejt Sirisë për ta kërkuar vetë.

Pas publikimit të drames së tij familjare nga emisioni investigativ “Le Iene” në Itali, Afrim Berisha rrëfeu për Abc News se i ishte premtuar ndihmë nga shteti italian për ta tërhequr të birin së bashku me antarët e një familje italiane që i ishte bashkuar disa vite më parë strukturave ekstremiste në Siri dhe për riatdhesimin e së cilës po punohej prej tyre.

Por, situata duket se ka precipituar orët e fundit, pasi tashmë Alvini nuk po gjendet në kamp. Afrim Berisha sqaroi në një bisedë telefonike me Abc News se i biri ishte i vetëm në kamp dhe se ai mbahej në sektorin e fëmijëve jetim.

Ndërsa misteri ka mbuluar fatin e 11-vjeçarit të grabitur dhe dërguar në Siri nga nëna e tij, ankthi për jetën e vogëlushit ka pushtuar familjen Berisha dhe jo vetëm.

 

© SYRI.net

Lexo edhe:

Komentet

Shto koment

Denonco