Një grabitje me armë ka ndodhur mbrëmjen e sotme në Korçë.
Burime nga policia kanë bërë të ditur se ngjarja ka ndodhur në lagjen numër 3 të qytetit juglindor.
Persona të maskuar janë futur në një banesë ku jetonte një çift të moshuarish me mbiemer Rapo.
Sipas të dhënave të para, grabitësit nën kërcënimin e armës kanë marrë para dhe sende me vlerë në banesën e të moshuarve.
Policia ka shkuar në vendin e ngjarjes dhe ka nisur hetimet.
Nga te dhenat e para dyshohet se eshte marre nje shume prej 700 mije lekesh.
Policia Korçë/ Informacion paraprak
Më datë 14.10.2019, rreth orës 21.45, në lagjen nr.3, dy persona ende të pa identifikuar, dyshohet se njëri kishte armë zjarri tip pistoletë, kanë hyrë në banesën e shtetasve F. R., dhe A. R., rreth 85 vjeç, duke ushtruar dhunë psikologjike, kanë marrë një sasi lekësh dhe më pas janë larguar me shpejtësi.
Dy të moshuarve u është dhëna ndihma e parë mjekësore, pa probleme për jetën.
Grupi hetimor po punon për identifikimin dhe kapjen e autorëve, si edhe zbardhjen e plotë të rrethanave të ngjarjes.
© SYRI.net