Kavajë, arrestohet polici i plagosur dhe i vëllai, Policia: Viktima qëlloi prej xhelozisë, efektivi u mbrojt Majtas, viktima Dritan Haxholli. Djathtas: Polici i plagosur Bledar Toçi.

Kavajë, arrestohet polici i plagosur dhe i vëllai, Policia: Viktima qëlloi prej xhelozisë, efektivi u mbrojt

10:35, 10/10/2019

Policia e Shtetit njoftoi se krimi në Kavajë në lagjen nr.2, që ka ndodhur në shtëpinë e Marsida Qatjes, ka ndodhur pasi viktima nga xhelozi ka dashur të qëllojë efektivin Bledar Toçi. Ai është detyruar të vetëmbrohet.

Megjithatë, Policia ka arrestuar dy persona: Policin Bledar Toçi - Shef i Sigurisë së Brendshme në Burgun e Durrësit, që mbeti i plagosur nga përplasja me armë me viktimën Dritan Haxholli gjatë ngjarjes, por ka arrestuar edhe vëllanë e Toçit, 27 vjeç. Këtë të dytin, pasi gjatë kontrollit të banesës pas krimit, iu gjetën 7 doza kokainë.

Policia tha:

"Në vijim të veprimeve të kryera nga grupi hetimor në lidhje me zbardhjen dhe dokumentimin e ngjarjes së ndodhur në lagjen nr. 2, në Kavajë, ku pas një konflikti në banesën e shtetases M. Q., mbeti i vrarë me armë zjarri shtetasi D. H. dhe i plagosur shtetasi B. T., nga Specialistët për Hetimin e Krimeve në Komisariatin e Policisë Kavajë u bë arrestimi në flagrancë i shtetasve:

U arrestua B. T., 31 vjeç, banues në lagjen nr. 2, në Kavajë, me detyrë Shef i Sigurisë së Brendshme pranë burgut të Durrësit. Shtetasi B.T., pasi është konfliktuar me shtetasin D. H., ky i fundit për motive xhelozie ka qëlluar me armë duke e plagosur shtetasin B. T.

Në kushtet e vetëmbrojtjes, shtetasi B. T. ka qëlluar për vdekje me armë zjarri tip pistolete shtetasin D. H., i dënuar më parë për krime kundër personit dhe për lëndë narkotike. Arrestimi i shtetasit B.T., për veprën penale “Vrasja me dashje”.

U arrestua edhe B. T., 27 vjeç, lindur e banues në lagjen nr. 2, në Kavajë ( vëllai i shtetasit B.T.), pasi gjatë kontrollit të banesës së shtetasit B. T. në lagjen nr. 2, në Kavajë iu gjetën dhe u sekuestruan me cilesinë e provës materiale një sasi e dyshuar lendë kokaine e ndarë në 7 doza që i përkisnin 27-vjeçarit. Arrestimi i tij për veprën penale “Prodhimi dhe shitja e narkotikëve”.

Materialet procedurale do të dërgohen në Prokurorinë Pranë Gjykatës së Shkallës së Parë Kavajë, për veprime të mëtejshme."

Në foto këtu, viktima Dritan Haxholli.

Image

 

Në foto me uniformë, polici i plagosur Bledar Toçi:

Image

 

© SYRI.net

Lexo edhe:

Komentet

Daj Jaku10/10/2019 10:57

Çuditërisht në shtëpinë e policit u kapën 7 (shtata është numri i parë që të vjen në gojë) doza kokainë!!!! Nuk janë të narkopolicit, janë të narkovëllait të policit.

Shto koment

Denonco