Vritet me sende të forta 29-vjeçari në Dibër, arrestohen dy vëllezër

Vritet me sende të forta 29-vjeçari në Dibër, arrestohen dy vëllezër

10:20, 17/09/2019
A+ Aa A-

Një ngjarje e rëndë ka ndodhur në orët e para të mëngjesit të sotëm në Dibër, ku pas një sherri mes të rinjve ka mbetur i vrarë një 29-vjeçar.

Ngjarja ka ndodhur rreth orës 03:00 të mëngjesit në fshatin Sllatinë, ku gjatë një konflikti  për motive të dobëta, (konflikt i çastit, pasi kishin konsumuar alkool), në ambjentet e një lokali në fshat, shtetasi Q.P, 24 vjeç,  dyshohet se ka plagosur me thikë shtetasin  M. H, 24 vjeç, dhe ky i fundit,  në bashkëpunim me vëllain e tij,  ka plagosur me sende të forta shtetasin D. P, 29 vjeç,  ku si pasojë e plagëve të marra ka humbur jetën në spital.

Ja njoftimi i Policisë:

Zbardhet ngjarja e ndodhur në orët e para të mëngjesit,  ku si pasojë e një konflikti të çastit, u plagos  me sende të forta dhe humbi jetën në spital një shtetas.

Kapen dhe arrestohen në kohë rekord  tre shtetas, ndër to dy vëllezër,   autorë të dyshuar  të ngjarjes.

Rreth orës 03.00, datë 17.09.2019, fshatin Sllatinë, gjatë një konflikti  për motive të dobëta, (konflikt i çastit, pasi kishin konsumuar alkool), në ambjentet e një lokali në fshat, shtetasi Q.P, 24 vjeç,  dyshohet se ka plagosur me thikë shtetasin  M. H, 24 vjeç, dhe ky i fundit,  në bashkëpunim me vëllain e tij,  ka plagosur me sende të forta shtetasin D. P, 29 vjeç,  ku si pasojë e plagëve të marra ka humbur jetën në spital.

Si rezultat i reagimit në kohë të policisë, dhe veprimeve hetimore të kryera,   janë kapur dhe arrestuar autorët e dyshuar të ngjarjes, shtetasit :

Q.P,  banues në fshatin Sllatinë (vëllai i shtetasit  D.P).

J.H. dhe M. H.(vëllezër), banues në fshatin Sllatinë.

Grupi Hetimor vijon hetimet për zbardhjen e plotë të shkaqeve të ngjarjes.

Materialet proceduriale do ti referohen Prokurorisë Dibër për herime të mëtejshme.

 

© SYRI.net

Lexo edhe:

Komentet

Shto koment

Denonco