FOTO/ Zbulohet pronari i vërtetë i jahtit të braktisur në Shëngjin

FOTO/ Zbulohet pronari i vërtetë i jahtit të braktisur në Shëngjin

15:51, 09/09/2019

Është zbuluar pronari i jahtit luksoz “Atik Bey” me vlerë prej 2 milionë eurosh që u gjet i braktisur pak ditë më parë rreth 12 milje larg bregut në Shëngjin.

Bëhet fjalë për shtetasin turk të quajtur Nedim Akyuz, emri dhe fotoja e të cilit janë bërë publike në faqen zyrtare të kompanisë turke “Tur Marine” që i ka shitur subjektit në fjalë jahtin e llojit “kataraman”.

Nga të dhënat e siguruara nga monitorimi i lundrimit të mjeteve, jahti “Atik Bey” në datën 30 gusht ka bërë një ndalesë në Budva. Ky stacionim është kryer nga Akyuz, i cili ka postuar një foto të tijën në llogarinë personale në “Instagram”.

Ndërkaq, në javën e fundit të gushtit, jahti rezulton të ketë lundruar në ujërat territoriale të Kroacisë, nga ku Akyuz ka postuar po ashtu një tjetër foto poshtë urës “KRKA”.

Një tjetër sistem monitorimi që regjistron lundrimet e mjeteve detare, tregon se në datën 3 korrik të këtij vitit, jahti “Atik Bey”, ka kaluar në NAXO të Greqisë, ku në të njëtën mënyrë pronari ka ndarë më ndjekësit një foto nga itinerari i ndërmarrë prej tij.

Aykuz është biznesmen në profesion në fushën e tekstileve dhe aktiviteti i tij sipërmarrës lokalizohet në Turqi.

Image

© SYRI.net

Lexo edhe:

Komentet

Shto koment

Denonco