Kultivonin kanabis në Vlorë, arrestohen 4 persona

Kultivonin kanabis në Vlorë, arrestohen 4 persona

15:20, 21/08/2019
A+ Aa A-

Katër persona janë arrestuar në Vlorë pasi kultivonin kanabis. Ndërsa mësohet se është vënë nën hetim kryeplaku i fshatit Gjormë dhe një inspektor pyjor në Selenicë.

Po ashtu janë sekuestruar 100 fidanë kubikë të kultivuar me farë kanabisi.

Ja njoftimi i policisë së Vlorës:

Vlorë

Finalizohet operacioni “Beshishti”, për goditjen e veprimtarisë kriminale në fushën e kultivimit të bimëve narkotike

Operacioni nga Komisariati i Policisë Vlorë.

Në pranga 4 shtetas të dyshuar si autorë të tentativës për kultivim të kanabisit .

Sekuestrohen fidanë dhe 100 kubikë të kultivuar me fara kanabis.

Procedohet penalisht kryeplaku i fshatit Gjormë dhe një inspektor i Drejtorisë së Pyjeve dhe Kullotave në Bashkinë Selenicë.

Në kuadër të operacionit masiv për kontrollin e territorit, me qëllim parandalimin, evidentimin dhe goditjen e rasteve të kultivimit të bimëve narkotike, nga shërbimet e Komisariatit të Policisë Vlorë është finalizuar operacioni “Beshishti”, si rezultat i të cilit u arrestuan në flagrancë shtetasit:

S. Z., 24 vjeç, banues në Vlorë;
D. H., 25 vjeç, banues në Llakatund;
A. B., 34 vjeç, banues në Peshkëpi;
P. K., 47 vjeç, banues në Vlorë;

Arrestimi i tyre u bë pasi këta shtetas në bashkëpunim me njëri-tjetrin, dyshohet se janë autorë të tentativës për kultivim të bimëve narkotike, pasi në pyllin e fshatit Beshisht, shërbimet e Policisë gjetën 45 fidanë kanabis të mbjella në tokë dhe 100 kubikë të kultivuar me fara kanabis .

Po nga kontrolli i territorit në zonën e Selenicës, në një zonë të pyllëzuar në Gjormë u gjetën gjatë operacionit masiv ditën e djeshme 40 fidanë kanabis.

Në lidhje me këtë ngjarje, u proceduan penalisht për “Shpërdorim detyre” shtetasit:

? P. S., 49 vjeç, banues në fshatin Gjormë, me detyrë kryeplak i këtij fshati;

? A. V., 56 vjeç, banues në fshatin Gjormë, me detyrë inspektor i Drejtorisë së Pyjeve dhe Kullotave në Bashkinë Selenicë.

© SYRI.net

Lexo edhe:

Komentet

Shto koment

Denonco