Një shqiptar i identifikuar si Gjon Gjoka, 27 vjeç, ishte kthyer në makthin e grabitjeve të sendeve të çmuara në zonën e Veronës në Itali.

Kur u ndalua në shtëpinë e tij, Gjon Gjokës iu gjetën, xhevahire të shumta, me dhjetëra ora të markave nga më të shtrenjtat, vathë floriri, karfica zbukurimi, unaza martese, deri edhe monedha ari që datonin nga vitet 1906 deri më 1963, si edhe një tjetër monedhë që i përkiste mbretit të Italisë Umberto I.

Të gjitha këto xhevahire, Gjon Gjoka i kishte siguruar falë grabitjes të banesave, ku e fundit ishte më 25 korrik në dëm të një avokati veronez të quajtur  Giovani Girard dhe gruas së tij Rita Anna Brunelli.

Këta të fundit mund ti njohin sendet e tyre të çmuara me anë të fotove.

Ndërkohë që shqiptarit iu gjetën në banesë edhe armë zjarri.