Dy minatorë kanë mbetur të plagosur në orët e pasdites së sotme në një nga galeritë e minierës së Bulqizës.

Ngjarja ka ndodhur në minierën e kromit në zonën D.

Sipas Policisë të plagosurit janë identifikuar me inicialet A.S. dhe Sh.S.

Pasi u është dhënë ndihma e parë në spitalin e Bulqizës, minatorët e plagosur janë transportuar në Spitalin e Traumës në Tiranë.

Sipas policisë minatorët ndodhen jashtë rrezikut për jetën.

Grupi hetimor ndodhet në vendngjarje dhe vijon hetimet për dokumentimin e zbardhjen  plotë të rrethanave të ngjarjes.

Në zonën D të minierës së Bulqizës operojnë disa subjekte të vogla.