Detaje të reja janë zbardhur nga shpërthimi i ndodhur dje në një argjendari në zonën e Bllokut, në kryeqytet, në rrugën “Vaso Pasha”.

Sipas televizioneve informative, në bodrumin ku kryheshin punimet për riparimin e bizhuterive, janë gjetur dy bombola të mbushura.

Në raportin paraprak të përpiluar nga ekspertët zjarrfikës, ngjarja ka ndodhur për shkak të një pakujdesie njerëzore.

Bombola e gazit është gjetur me valvul të hapur dhe dyshohet se ka pasur rrjedhje në tubin përcjellës mes bombolës dhe pajisjes, me të cilën punohej.