Sherr për pronësinë, fqinji godet me sëpatë bashkëfshatarin në Tiranë

Sherr për pronësinë, fqinji godet me sëpatë bashkëfshatarin në Tiranë

18:27, 13/07/2019
A+ Aa A-

Një sherr për pronën për pak sa nuk ka përfunduar në tragjedi në një fshat të Vorës.

Ngjarja ka ndodhur në fshatin Domjem ku nga goditjet me spatë ka mbetur i plagosur një 46 vjeçar.

Policia ka ndërhyrë menjëherë, duke parandaluar përshkallëzimin e konfliktit dhe duke arrestuar autorin e plagosjes.

Njoftimi i policisë:

Policia parandalon përshkallëzimin e mëtejshëm të një konflikti për motive pronësie. Plagosi me mjet prerës 46-vjeçarin, arrestohet në flagrancë autori

Shërbimet e Komisariatit të Policisë Vorë, pas marrjes së njoftimit për një konflikt pronësie mes dy shtetasve në fshatin Domje, ku njëri prej tyre kishte përdor mjet prerës sopatë, menjëherë kanë shkuar në vendngjarje duke parandaluar përshkallëzimin e mëtejshëm të konfliktit.

Nga veprimet e para hetimore rezultoi se shtetasi I.T, gjatë një konflikti për motive pronësie me komshiun e tij shtetasin B.A, në kushte të rënduara psikike e ka goditur me sopatë.

Shtetasi B.A, ndodhet në spital jashtë rrezikut për jetën

Në përfundim të veprimeve, Specialistët e Seksionit për Hetimin e Krimit në Komisariatin e Policisë Vorë, arrestuan në flagrancë shtetasin: I. T., 62 vjeç, banues në Domje, për veprën penale “Plagosja e rëndë në gjendje të tronditjes së fortë psikike”.

Materialet i kaluan Prokurorisë për veprime të mëtejshme.

 

 

 

© SYRI.net

Lexo edhe:

Komentet

Shto koment

Denonco