Qëllohet me breshëri automatiku Drejtori i Policisë Pyjore në Bulqizë.
Ngjarja ka ndodhur gjatë një fushate për prerjen e pyjeve në zonën e mbrojtur të Ternovës.
Bashkë me drejtorin e përgjithshëm Anduel Xhalia, janë sulmuar me armë edhe 4 inspektorë të drejtorisë së Përgjithshme të Policisë Pyjore, raporton Syri.net.
Fatmirësisht nuk ka asnjë të lënduar.
Drejtori i Përgjithshëm dhe 4 inspektorë ishin nisur nga Tirana për të kontrolluar nga afër situatën.
Burime për Syri.net, shprehen se kjo nuk është hera e parë që ndodh diçka e tillë në zonën e Ternovës.
Për ngjarjen në fjalë është njoftuar edhe policia e Bulqizës, ndërsa ende nuk ka asnjë informacion nga kjo e fundit mbi autorët e mundshëm. /Syri.net
© SYRI.net