Një aksident tragjik ka ndodhur këtë të enjte në Leçe të Italisë, ku një grua shqiptare humbur jetën.

Ngjarja ndodhi në mesditë në Salento.

Gruaja shqiptare e cila humbi jetën është Angjelina Zefi

Në aksident u përfshinë 4 mjete, mes tyre edhe një kamion.

Përplasja ishte vdekjeprurëse për 40-vjeçaren shqiptare, e cila jetonte në Casarano.

Ajo udhëtonte me një prej makinave të përfshira në aksident. Gruaja u përplas nga një kamion dhe vdiq në vendngjarje.

Sipas hetimeve të para nga karabinierët, shqiptarja udhëtonte me një Renault Megane, kur në një kthesë i ra nga pas një Mini Cooper Countryman, që drejtohej nga një 35-vjeçar.

Dy drejtuesit zbritën nga automjetet. Në këtë moment kamioni mori përpara makinën e shqiptares duke e shtyrë drejt tyre. Për gruan, e cila punonte në një restorant, goditja qe fatale. Ndërsa 35-vjeçari u dërgua me urgjencë në spital.