Një hajdut portofolësh në urban që ishte kthyer në makthin e pasagjerëve është arrestuar nga Policia e Tiranës.
Ai quhet Arben Osmani dhe është identifikuar nga Policia falë denoncimit të disa personave, të cilëve u kishte vjedhur telefonin dhe portofolin.
Në datën 17 dhjetor 2018, në Komisariatin e Policisë nr 4 është paraqitur shtetasja Trëndelina Lagësira, e cila ka deklaruar se duke udhëtuar me urbanin e Unazës i është vjedhur portofoli.
Kallëzuesja e ka njohur hajdutin nëpërmjet fotove që i ka paraqitur Policia, ku ka dalluar atë të Arben Osmanit.
Më datën 1 gusht 2018, po në këtë komisariat është është paraqitur shtetasi Gani Kolgjini i cili ka deklaruar se në ambientet e Poliklinikës Nr.9, Tiranë, i është vjedhur portofoli.
Nga verifikimi i kamerave të kësaj poliklinike është konstatuar se shtetasi Arben Osmani i ka futur dorën në xhep dhe i ka marrë portofolin.
Po kështu nga vëzhgimi i kamerave është konstatuar edhe një person i dytë që bënte roje, i identifikuar si Ruzhdi Xhaferri, i cili nuk është gjendur ende nga policia.
Më datën 8 gusht 2018, po në komisariatin nr,4 është është paraqitur për kallëzim shtetasi Ibrahim Arapi, i cili ka raportuar se i është vjedhur portofoli në Poliklinikën Nr.9.
© SYRI.net