Policia e Durrësit  arrestoi A.D.,33 vjeç, banues në fshatin Katund Sukth të Durrësit, pasi i fshihej drejtësisë prej dy vjetësh.

Kapja dhe ndalimi u bë pasi Gjykata e Shkallës së Parë për Krimet e Rënda Tiranë, në datë 01.07.2017 ka dhënë masën e sigurisë "Arrest me burg ", për veprën penale "Trafik i lëndëve narkotike, kryer në bashkëpunim".

Materialet hetimore u referuan në Prokurorinë pranë Gjykatës së Shkallës së Parë për Krimet e Rënda Tiranë për veprime të mëtejshme.