Dje ka ndodhur një përleshje mes disa të rinjve në Prishtinë, ku një person është në gjendje mjaft të rëndë, pas goditjes me thikë.

Rastin e ka konfirmuar edhe Policia e Kosovës se në rrugën “Muharrem Fejza” në Prishtinë ka ndodhur një përleshje mes disa të rinjve.

Zëdhënësja e policisë për rajonin e Prishtinës, Flora Ahmeti ka thënë se një person i moshës 16-vjeçare ka mbetur i therur me thikë.

Ajo për media ka treguar se i njëjti është dërguar për tretman mjekësor, ndërkohe që njësitet policore janë duke punuar në identifikimin dhe arrestimin e personave të dyshuar.

“Rreth orës 22:30 kemi pranuar një informatë për një rast të therjes me thikë. Rasti ka ndodhur në rrugën ‘Muharrem Fejza’ në Prishtinë, ku dyshohet se një person (mashkull) 16 vjeç, ka pësuar lëndime nga arma e ftohte (thikë)”, ka thënë Ahmeti.