Katër shqiptarë janë arrestuar në Itali dhe dolën para gjykatës pasi sulmuan me thikë dhe shkopa bejsbolli dy persona të tjerë në zonën e Perugias

Përplasja ka ndodhur në rrugë, ku shqiptarët kanë goditur fillimisht me shkop bejsbolli makinën ku ndodheshin personat, më pas janë munduar ti nxjerrin ata nën kërcënimin e thikës nga makina.

Policia ka shkuar menjëherë në vendngjarje ku ka gjetur një person të shtrirë në tokë i cili ishte i mbuluar me gjak.

Gjykata ka vendosur revokimin e masës së arrestit shtëpiak për shqiptarët dhe ka vendosur detyrim paraqitjen, ndërsa ata nuk mund të largohen nga territori i Perugias dhe nuk kanë të drejtë të dalin nga shtëpia para orës 7 të mëngjesit dhe pas orës 20:30.