Elton Pikli, 32 vjeç, i arrestuari i pestë i grabitjes në Rinas, nuk ka rekorde penale për Policinë.
Madje ai kryen një jetë të zakonshme në qytetin e tij të Krujës, larg dyshimeve se mund të ketë një jetë tjetër si grabitës.
Pikli punon si kasap në qytetin e tij.
Madje ndryshe nga informacionet e para që u dhanë nga Policia, Pikli nuk është arrestuar në Bullgari, por në Qafë-Thanë teksa kthehej për në Shqipëri.
Emri i Piklit ka dalë gjatë dëshmisë së njërit prej personave të arrestuar.
Krutani po kthehej nga Bullgaria, në momentin që i janë vendosur prangat.
Më herët ai ka qenë i shpallur në kërkim për falsifikim.
© SYRI.net