Policia ka dhënë detaje të reja lidhur mbi ngjarjen e ndodhur pak minuta më parë në Durrës, ku persona ende të panjohur grabitën banesën e avokatit të njohur Edmond Saliu.

Sipas informacioneve më të fundit, grabitësit kanë mundur të marrin nga banesa kasafortën e avokatit në fjalë.

Në këtë kasafortë thuhet të kenë qenë 350 milion lekë të vjetra.

Ndërsa policia ka dyshimet e saj se në këtë grabitje janë përfshirë të afërm të avokatit pasi kasaforta ëshhtë hapur me çelës. 

Policia tha se nuk ka thyerje të dyerve dhe dritareve, çka rrit edhe më shumë dyshimet për përfshirje të brendshme në këtë ngjarje.