Zyrtarë të Aerportit të Rinasit. do të merren në hetim lidhur mbi grabitjen e ndodhur në Rinas, tri ditë më parë.

Konfirmimi vjen nga Prokuroria e Krimeve të Rënda,  e cila informon se tre prokurorë janë ngarkuar për zbardhjen e ngjarjes së bashku me oficerë të Policisë Gjyqësore, të cilët janë rikthyer sërish në Rinas me qëllim për të riparë vendin ku ndodhi grabitja.

Një tjetër qëllim do të jetë edhe njëherë vlerësimi i çdo dokumenti të mundshëm që do të ndihmojë sadopak zbardhjen e ngjarjes.

Lidhur mbi zyrtarët në Rinas ata do të hetohen për shpërdorim detyre.

Deri më tani janë sekuestruar raportet e zyrave operative me qëllim për të parë se kur ICTS ka bërë njoftimin e policisë.

Të angazhuar në hetimin e ngjarjes do të jenë tre prokuroët Arens Çela, Klodian Braho dhe Besnik Muçi.

Ndërkohë që në hetim janë edhe tre bankat e grabitura për të parë nëse ka rrjedhje të informacionit.