Pavarësisht ardhjes së stinës së pranverës, më datë 12-13 mars, moti do të përkeqësohet. Kështu njoftoi sot, Drejtoria e Përgjithshme Detare. Bregdeti ynë do të përfshihet nga era me drejtim verilindje dhe forca e detit do të jetë 7 shkallë Boufort.

Me qëllim parandalimin e çdo situate të papritur për shkak të kushteve atmosferike, u kërkohet bashkëpunimi  të gjithë subjekteve që ushtrojnë veprimtari në fushën e detarisë për të marrë të gjitha masat e nevojshme për sigurimin e mjeteve në port dhe rritjen e gadishmërisë së ekuipazhit në mjetet lundruese.