Një 35-vjeçare ka humbur jetën në një aksident mesditën e sotme në Fushë-Krujë. Sipas të dhënave, aksidenti ndodhi në fshatin Larushk të Fushë-Krujës, ku një automjet që drejtohej nga 35-vjeçarja Etleva Alushi ka dalë nga rruga dhe është përplasur me një shtyllë.

Gruaja ka humbur jetën në vend dhe trupi i pajetë i viktimës është transportuar në morg ku është bërë më pas dhe identifikimi. Policia ka nisur hetimet për zbardhjen e rrethanave të aksidentit tragjik.

Informacion paraprak i policisë

Më datë 22.02.2019, rreth orës 12:15, në Larushk, drejtuesja e mjetit me targë AA314CC, shtetasja E.A., 35 vjeçe, ka humbur kontrollin e mjetit dhe është përplasur më një shtyllë, ku për pasojë ka gjetur vdekjen. Në vendngjarje ndodhet grupi Hetimor dhe po punon për përcaktimin e shkakut të aksidentit.