Mbyllet për 6 ditë autostrada Tiranë – Durrës, nis që nesër devijimi i trafikut

Mbyllet për 6 ditë autostrada Tiranë – Durrës, nis që nesër devijimi i trafikut

12:29, 13/02/2019
A+ Aa A-

Autoriteti Rrugor Shqiptar dhe Policia e Qarkullimit Rrugor njoftuan opinionin publik se duke nisur nga dita e enjte, datë 14 shkurt 2019 ora 7:00 në mëngjes, do të vazhdojnë punimet në autostradën Tiran-Durrës dhe anasjelltas. Ndaj, autostrada do të bllokohet deri më datë 17 shkurt 2019 në njerin segment dhe deri në datë 19 shkurt në segmentin tjetër, ndërsa trafiku do të devijojë.

ARRSH njoftoi se në kuadër të projektit të “Mirëmbajtjes me Performancë të Bankës Botërore” do të realizohen punime në segmentet rrugore të mëposhtëme:

1. Vazhdimi i punimeve për ndërtimin e dy tombinove të reja rrethore në autostradë, në segmentin Tiranë – Qafë Kashar (kthesa Rinas) në kilometrin 6+600 dhe 6+800 nga Kastrati & Alba-Elettrica, për ndërtimin e pusetave hyrëse dhe dalëse të portaleve të tombinove.

Për këtë arsye gjatë kohës së kryerjes së këtyre punimeve do të realizohet devijimi i trafikut në km 6+500 në drejtimin Tiranë - Durrës dhe në km 7+550 në drejtimin Durrës - Tiranë në rrugët dytësore në këto pika. Trafiku në këto segmente do të bëhet vetëm në një kalim.

Lëvizja e mjeteve në këtë segment rrugor do të kufizohet brenda harkut kohor 14.02.2019 deri në datë 19.02.2019, sipas Planit të Menaxhimit të Trafikut të miratuar.

2. Gjithashtu në segmentin rrugor Tiranë - Kamëz, mbas mbikalimit të Kamzës, do të realizohet riparimi i shtresave asfaltike të dëmtuara. Punimet në këtë segment rrugor do të realizohen duke kufizuar trafikun e mjeteve në një korsi të lëvizjes gjatë kohës së kryerjes së punimeve. Lëvizja e mjeteve në këtë segment rrugor do të kufizohet brenda harkut kohor prej datës 14.02.2019 deri në datë 17.02.2019, sipas Planit të Menaxhimit të Trafikut të miratuar.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanive të mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë aks rrugor dhe respektimin në mënyrë rigoroze të sinjalistikës provizore të vendosur dhe udhëzimeve të Policisë Rrugore në terren.

© SYRI.net

Lexo edhe:

Komentet

nada capi14/02/2019 17:28

Qelbesirat e ripjerdhjes komuniste mendojne se me keto makinacione do pengojne popullin te gjendet ne shesh ne 16 shkurt. Mos ju rrej rradakja o te mjere, bllokoni autostraden por populli neper ara do kaloje dhe ne kohen e caktuar do ndodhet para kryeministrise per tju çuar njehere e mire ne koshin e plerave, atje ku e kane vendin fekalet e sektit ripjerdhs te koleres edviniste.

Gramoz13/02/2019 13:58

Qelbesirat e ripjerdhjes komuniste mendojne se me keto makinacione do pengojne popullin te gjendet ne shesh ne 16 shkurt. Mos ju rrej rradakja o te mjere, bllokoni autostraden por populli neper ara do kaloje dhe ne kohen e caktuar do ndodhet para kryeministrise per tju çuar njehere e mire ne koshin e plerave, atje ku e kane vendin fekalet e sektit ripjerdhs te koleres edviniste.

tironci13/02/2019 12:34

Hahahahaha Pengesa per protestusit. Ime e gjeten me i bo tombinot

Shto koment

Denonco