Një dyqan në Durrës ka rënë pre e një akti vjedhjeje.

Ngjarja ndodhi gjatë natës së kaluar në lagjen nr. 6, ku mësohet se persona ende të paidentifikuar nga policia pasi kanë sharruar qepenin e dyqanit që tregtonte bulmet, kanë thyer edhe bravën e derës dhe më pas kanë vjedhur paratë e xhiros që gjendeshin në arkë.

Mësohet se vjedhja u konstatua në mëngjes nga të zotët e dyqanit, të cilët sinjalizuan policinë.

Dyqani gjendet pak metra larg nga Mazoleumi Dëshmorëve, rrugës që vijon për te godina e policisë.