Bora dhe temperaturat e ulta gjatë ketyre ditëve kanë krijuar veshtiresi për shumë banor të bashkisë Pukë. Për përballimin e kësaj situate janë angazhur në terren gjasht mjete, pesë për pastrimin e borës dhe një për kriposje. Në terren janë të angazhuar 50 punonjës shërbimesh nga bashkia në qender dhe njësitë administrative.
Aktualisht mjeti borpastrues i Emergjencave Civile ardhur në dispozicion të bashkisë po punon për mbajtjen hapur të rrugës së Qerretit, e cila bllokohet disa herë në ditë si pasojë e erës.
Nje mjet Bjellorus po punon në hapjen e lagjes Mehaj, një mjet fadromë punon në njësinë administrative Gjegjan.
Bashkia ka siguruar dhe një tjetër mjet që pritet të angazhohet në hapjen e rrugës drejt fshatit Bushat në njësinë administrative Qelëz.
Furnizimi me Ujë dhe energji elektrike vijon normalisht në të gjithë territorin e bashkisë Pukë. Shtabi i Emergjencave pranë bashkisë ka vijuar punen me qëllim kordinimin e situatës së krijuar.
Në mbledhjen e fundit të shtabit të emergjencave pranë bashkisë është vendosur që këtë të hënë të hapen shkollat në territorin e bashkisë, ndërkohë që do të këtë ngrohje në çdo shkollë.
© SYRI.net