Gjendja e rrugëve në zonat e thella vijon të mbetet problematike kryesisht në zonat e veriut.
Në fshatin Shumbat të Dibrës katër persona kanë probleme të rënda shëndetësore, ndërsa ende nuk janë transportuar për të marrë ndihmë mjekësore pasi zona e tyre është e bllokuar nga reshjet e dendura të borës.
Gjendjen bashkë edhe me mashtrimin e bashksië, e denoncon deputeti i PD-së Xhemal Gjunkshi
“Banorët e fshatrave Dipjakë dhe Shumbat duke hapur me lopata rrugët e fshatrave të tyre , duke treguar me zë dhe figurë mashtrimin e Bashkisë se gjoja ka hapur rrugët.
Të izoluar prej një jave banorët e Shumbatit janë detyruar të organizohen të gjithë me lopata të hapin 3 km rrugë për rastet e emergjencave shëndetësore.
Fadroma e klientëve të Bashkisë ka hyrë dhe ka hapur vetëm disa dhjetra metra dhe është kthyer. E njëjtë edhe për fshatin Dipjakë ku ka kaluar dhe është kthyer në mes ,por rruga është sërish e pakalueshme. Ndërsa në fshatrat e tjera nuk ka shkuar fare.
Një kafe me ta duke dëgjuar hallet dhe problematikat me të cilat përballen ato këto ditë izolimi”, reagon deputeti në rrjetet sociale.
© SYRI.net