Moti i keq/ Ministrja Xhaçka: Mos dilni nga shtëpitë për 48 orë

Moti i keq/ Ministrja Xhaçka: Mos dilni nga shtëpitë për 48 orë

17:46, 09/01/2019

Ministrja e Mbrojtjes, Olta Xhaçka ka adresuar një apel sot për të gjithë qytetarët nisur nga situata e keqe me motin, duke i kërkuar të evitojnë lëvizjet gjatë 48 orëve të ardhshme.

Sipas saj, situata pritet të jetë e njëjtë edhe për 24 orët e ardhshme, duke shtuar se “qarqet më të prekura nga moti i keq janë Shkodra, Kukësi, Korça, Gjirokastra, Dibra dhe Elbasani”.

Sipas ministres, akset kombëtare janë të qarkullueshme me përjashtim të rrugës Tepelenë – Gjirokastër dhe një pjesë në drejtim të Kakavijës. Ndërkohë po punojnë 100 mjete borëpastruese dhe mbi 2000 efektivë të Forcave të Armatosura, OSHEE dhe shëndetësia janë në gatishmëri.

“Sa i takon akseve rurale të bllokuara janë akset në zona e thella malore kryesisht në qarqet Shkodër, Kukës, Korçë, Gjirokastër, Dibër dhe Elbasan. Aktualisht në të gjitha qarqet e prekura nga dëbora janë aktivizuar mbi 100 mjete që po punojnë për hapjen e akseve më problematike.

Mbi 2000 efektivë të Forcave të Armatosura të Policisë së Shtetit, punonjës të OSHEE-së dhe shëndetësisë janë në gatishmëri të plotë për t’ju gjendur pranë banorëve për çdo problem të vërejtur. Helikopterët e Forcave Ajrore dhe ekuipazhet e tyre janë në gatishmëri të plotë për të ndërhyrë nga ajri për t’ju përgjigjur të gjitha problemeve shëndetësore apo kërkesave që mund të vijnë për bazë ushqimore në të gjitha ato fshatra të cilat janë të izoluara nga moti i keq.

Që të minimizojmë pasojat e motit të keq i bëj thirrje firmave kontraktore në të gjitha bashkitë që të respektojnë kontratat për mirëmbajtjen dhe zhbllokimin e akseve rrugore në rast të bllokimit të tyre. U bëj me dije të gjitha këtyre kompanive të cilat mund të mos respektojnë kontratat për mirëmbajtjen e rrugëve se në çdo rast po monitorohen dhe do të penalizohen sipas ligjit.

Shtimi i masave të kontrollit nga policia e shtetit dhe disiplinimi i qarkullimit rrugor sidomos në zonat me rrezik të shtuar duhet të shoqërohet edhe me kufizimin dhe mbajtjen nën kontroll të qarkullimit të automjeteve me tonazh të lartë”, u shpreh ministrja e Mbrojtjes, Olta Xhaçka.

© SYRI.net

Lexo edhe:

Komentet

Arber12/01/2019 21:09

Keta jane hajdute te ndyre e te babezitur re pacipe. Marrin miliona Euro per te mirembajtur rruget e nuk kane nje borepastruese te heqe boren e te hedhe kripe. Ndyresira. Edhe rruga e Kombit qe i vuri edhe traun per te paguar makinat qe kalojne rri bllokuar. Mostra.

Shto koment