Policia e Greqisë ka sekuestruar sot mbi 33 kg marijuanë në kufirin greko-shqiptar. Droga ishte fshehur në një makinë që drejtohej nga një 22-vjeçar shqiptar.

Gjatë operacionit në Kozani, policia kontrolloi brenda mjetit ku u gjetën dhe sekuestruan 3 pako me 33 kg e 590 gram marijuanë. Gjithashtu u sekuestruan 2 celularë, 3 karta SIM dhe 20 euro.

Prej fillimit të vitit e deri më sot, në Igumenice, Korfuz, Lefkadha, Kefalonia, Janinë, Athinë, Selanik, Arte, Aitiloakarnania, Patra, Kostur, Grevena, Follorine, Aleksandroupoli etj., policia greke ka sekuestruar rreth 11.1 ton marijuanë që vinte nga Shqipëria.