Ish-kryeministri Sali Berisha denoncoi sot faktin se Kostandin Xhuvani është liruar nga burgu, prej më shumë se 2 javësh.

Sipas denoncuesit, i cili ka dërguar mesazh tek ish-kryeministri Sali Berisha, Xhuvani prej 2 javësh nuk ndodhet në burg.

Në lidhje me këtë denoncim, ka reaguar drejtoria e Burgjeve.

Në një njoftim për mediat, Burgjet thonë se Kostandin Xhuvani që nga data 30 tetor nuk ndodhet në qelinë e tij, por ndodhet në spital, pasi ka bërë një operacion.

Reagimi i Drejtorisë së Burgjeve:

Të nderuar përfaqësues të Medias së shkruar dhe vizive, nisur nga një lajm krejtësisht i pavërtetë i përhapur në disa portale të disa mediave në vend, pa asnjë konfirmim zyrtar nga Drejtoria e Përgjithshme e Burgjeve, që pretendonte për lirimin e të dënuarit Kostandin Gjergj Xhuvani, sqarojmë sa më poshtë vijon:

Kostandin Gjergj Xhuvani i datëlindjes 24.06.1989, lindur dhe banues në Tiranë, është dënuar më 35 vjet burgim me vendimin Nr.670 datë 10.03.2015 të Gjykatës së Rrethit Gjyqësor Tiranë.

Nga dënimi i dhënë  i mbeten për të vuajtur edhe 30 vjet 7 muaj 29 ditë burgim, për kryerjen e veprave penale ‘Vrasje në Rrethana Cilësuese’ dhe ‘Armëmbajtje pa Leje’ parashikuar nga nenet 79/dh dhe 278/5 të Kodit Penal të Republikës së Shqipërisë,dënim  të cilin është duke e vuajtur në seksionin e sigurisë së lartë në IEVPenale Fushë Krujë.

Si çdo i dënuar tjetër, edhe të dënuarit Konstandin Xhuvani i garantohen të drejtat e përcaktuara në Ligjin Nr. 8328, datë 14.06.2018, ‘Për të drejtat dhe trajtimin e të dënuarve me burgim dhe të paraburgosurve’ (i ndryshuar).

Thënë kjo, ju bëjmë me dije se në datën 30.10.2018 Kostandin Xhuvani është hospitalizuar ne IVSHB (Spitali i Burgut) për disa probleme shëndetësorë, me diagnozë Nodushemoroidal, me kartelë klinike 407.

Në momentin e pranimit në Spital, pacienti paraqitej i zbehtë, ankonte për këputje trupore dhe dhimbje rektale. Menjëherë janë realizuar ekzaminimet dhe konsulta mjekësoreme mjekun specialist proktolog të ‘ QSUT Nënë Tereza’, ku ka rezultuar me:

- Anemi(Hb 8mg/dl).

- Prolapshemoroidal.

Në këto kushte, mjeku specialist ka kërkuar ekzaminimin mjekësor sigmoidoskopi. Në datën 04.11.2018, është realizuar ky ekzaminim dhe konsulta me mjekun specialist, ku është rekomanduar ndërhyrje kirurgjikale.

Në datën 05.11.2018 është realizuar ndërhyrja kirurgjikale në QSUT ‘Nënë Tereza’, i shoqëruar dhe nën mbikëqyrjen e Forcave Operacionale të Drejtorisë së Përgjithshme të Burgjeve.

Po në këtë datë, pas përfundimit  të operacionit, pacienti Konstandin Xhuvani është rikthyer në IVSHB (Spitali i Burgut)për trajtim të mëtejshëm sipas rekomandimeve të mjekëve specialistë të QSUT ‘Nënë Tereza’.

Në ditët në vijim është konsultuar me mjekët specialistë (mjekun hematolog për problemin e anemisë) dhe është trajtuar në IVSHB (Spitali i Burgut) sipas rekomandimeve të tyre.

Aktualisht, ky i dënuar është i hospitalizuar në IVSHB (Spitali i Burgut), dhe me përmirësimin e gjendjes shëndetësore do të bëhet dalje nga IVSHB (Spitali i Burgut) drejt IEVP Fushë Krujë.