Kush ishte i vrari në mes të Shkodrës; peshkatar dhe baba i katër fëmijëve

Kush ishte i vrari në mes të Shkodrës; peshkatar dhe baba i katër fëmijëve

15:02, 14/11/2018

Ngjarja e sotme në qytetin e Shkodrës ka tronditur qytetarët, jo vetëm për mënyrën makabre që u krye atentati, por edhe për vendin publik të ekzekutimit, i populluar nga qindra njerëz në merkaton e lagjes Kiras.

Gjithashtu i ekzekutuari Fatos Ferracaku njihej nga gjithë Shkodra, si një burrë i qetë dhe familjar.

Pavarësisht se mediat e paraqitën si “biznesmenë”, ai ishte thjesht një peshkatar që më pas tregtonte çdo mëngjes atë që kapte në liqen për gjithë natën.

Ferracaku ishte baba i katër fëmijëve dhe pa precedentë penalë, në të shkuarën.

Viktima e ekzekutuar ditën e sotme kishte lidhje gjaku me Arjan Ferracakun, mbetur i vrarë më 1 shtator 2018. Ata ishin kushërinj të dytë.

Biznesmeni Arjan Ferracaku, babai i dy fëmijëve të mitur, u vra me breshëri kallashnikovi teksa po kalëronte me dy kushërinjtë e tij.

Ngjarja e rëndë ka ndodhur në zonën e Livadheve, ku 30­-vjeçari bashkë me kushërinjtë ishin duke bërë stërvitje hipizmi dhe është ende pa autorë.

Policia sipas disa burimeve deklaron për ngjarjen e sotme, se  po punon edhe mbi pistën e vrasjes së 1 shtatorit të këtij viti. 

© SYRI.net

Lexo edhe:

Komentet

Ilir14/11/2018 15:19

Shpresoj qe njerzit mos te vriten kot, sa per tu dukur qe ka trazira..do jete gje e rende...

Shto koment