Prokuroria dhe policia kanë dhënë detaje ditën e sotme për arrestimet e bëra në Shqipëri.

Sipas Donika Prelës, drejtuese e Prokurorisë së Krimeve të Rënda, janë lëshuar 44 urdhër arreste, për vepra të ndryshme kriminale.

Sipas saj, janë 4 grupe kriminale të goditura për vepra të ndryshme penale.

Janë sekuestruar 186 kilogramë morfinë, nga e cila do të dilte lëndë narkotike heroinë që kishte si destinacion Gjermaninë.

Droga ishte e porositur nga grupi Avdyli në Shijak.

Pjesë nga deklarata e Prokurorisë së Krimeve të Rënda:

Nga aktet e referuara fillimisht nga Komisariati i Policisë Kavajë ka pasur dyshime të arsyeshme se grupe trafikonin lëndë narkotike nga Shqipëria në Itali në vende të tjera.

Ndaj u kryen Përgjime në grupet që ushtronin veprimtari në disa qytete të ndryshme. Pjesëtarët e këtij grupi kryesonin dhe korrupsion në sektorë të ndryshëm, si në Hipotekë, bashki, etj.

Nga veprimet hetimore të kryera deri tani, është konkluduar se ka të dhëna të mjaftueshme për grupe kriminale që kanë vepruar ën disa shtete të tjera si Gjermani, Holandë, Turqi etj.

U dha masa e sigurisë me burg për 44 shtetas.

Sa i përket veprës penale të grupit kriminal janë provuar 13 episode të trafikimit të lëndës narkotike brenda vendit dhe Itali. Gjatë këtij operacioni u bë zbulimi i laboratorit të drogës në Kukës dhe janë arretsuar disa shtetas shqiptarë dhe të huaj.

Sa i përket veprave penale që janë përfshirë, në fushën e prodhimit të lëndëve narkotike si grup dhe organizatë kriminale janë arrestuar 27 persona dhe janë shpallur në kërkim 6 të tjerë.

Po kështu janë kapur dhe raste korrupsioni, korrupsion pasiv ndaj Arben Çuko.

Po kështu, persona që vepronin me grupe të tjera kriminale në kudër të këtij hetimi kanë kryer vepra penale të falsifikimit të dokumenteve: Gjelind Ndoka, Arben Ndoka, Blendi Ndoka, Vasil Nika, Mimoza Loka, etj.

Deklarata e Policise se Shtetit:

Forcat policore, RENEA, FNSH, ato operacionale në bashkëpunim me Drejtoritë Vendore të Policisë kanë ushtruar kontrolle në qytetet Shkodër, Has, Lezhë, Shijak, Elbasan, Durrës, Fier, Vlorë, Tiranë, Patos, Sarandë dhe Delvinë.

Gjatë këtij mega operacioni janë arrestuar 27 shtetas dhe 6 u shpallën në kërkim. Gjithashtu u godit një laborator i përpunimit të heroinës në fshatin Brenog në Has, ku ndër të tjera janë sekuestruar 182.5 kg morfinë, e ndarë në 175 pako, 22 litra lëndë e lëngshme, të cilat përdoreshin për prodhimin e heroinës.

Procedimi për këtë operacion ka nisur pas një referimi të Policisë së Shtetit në Prokurorinë e Krimeve të Rënda.

Gjatë kësaj periudhe, veçanërisht me intensitet në muajt e fundit, për dokumentimin e kësaj dosjeje, janë përdorur metoda speciale të hetimit. Në këtë procedim penal janë me mijëra orë përgjime, filmime, përgjime ambientale, vëzhgime me dron, mijëra faqe me shkresa dhe këmbim informacioni e korrespodencë me agjenci ligjzbatuese brenda e jashtë vendit.

Goditja e kësaj veprimtarie kriminale është bërë në periudha të ndryshme, duke u finalizuar këtë fundjavë. 

Në goditjen finale morën pjesë rreth 1.500 forca policore operacionale, FNSH, RENEA dhe nga efektivë nga Policia lokale.

Në datë 18 tetor në mëngjes u ushtrua kontroll në banesën e shtetasit Mustaf Shuti në fshatin Brenogë, Has, ku u gjetën prekursorë për prodhimin e lëndës narkotike.

Të arrestuar në flagrancë janë 5 shtetas për veprat penale "Prodhimi dhe shitja e narkotikëve", "Trafikim i narkotikëve”, "Prodhimi dhe fabrikimi i lëndëve narkotike”, në bashkëpunim, në formën e posaçme të grupit të strukturuar kriminal dhe organizatë kriminale:

1.    Vehbi Berushi, 57 vjeç

2.    Flamur Çela, 48 vjeç

3.    Xhevit Shuti, 48 vjeç

4.    Mustaf Shuti, 76 vjeç

5.    Anila Shuti, 42 vjeç

U shpallën në kërkim 4 persona: 2 shtetas turq, 1 kosovar dhe 1 shqiptar.

Në zbatim të vendimeve të Gjykatës së Shkallës së Parë të Krimeve të Rënda, janë ekzekutuar vendime penale në disa qytete, si dhe janë ushtruar rreth 100 kontrolle banesash dhe ambientesh të tjera.

Të arrestuar për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale janë 18 persona:

1.    Jasin Kala, alias Jasin Avdyli, me pseudonimin“Cine”, nga Shijaku;

2.    Shkëlqim Avdyli, me pseudonimin“Kiçi”, nga Shijaku;

3.    Denis Llaftiu, nga Shijaku;

4.    Fatos Llaftiu, nga Shijaku;

5.    Hajri Seferi, nga Shijaku;

6.    Petro Kuci, alias Abedin Kuçi, nga Delvina;

7.    Ilirjan Prifti, nga Fieri;

8.    Elton Shehaj, nga Tirana;

9.    Armand Spiro, nga Tirana;

10.   Astrit Balliu, alias Avdyli, Sulejmani, me pseudonimin “Titi”, nga Shijaku;

11.  Altin Avdyli, me pseudonimin“Niçja”, nga Shijaku;

12.  Saimir Gjepali, nga Shijaku;

13.  Gjevi Ndoka, alias Xhevahir, me pseudonimin“Xhevi”, nga Lezha;

14.  Esat Mehmeti, me pseudonimin“Çakja”, nga Fieri;

15.  Saimir Sulejmani, nga Fieri;

16.  Orges Jahelezi, alias Artan Elezi, me pseudonimin“Nita”, nga Tirana;

17.  Elis Bahushi, nga Elbasani;

18.  Elis Guri, nga Shkodra.

19.  Artur Balla, nga Elbasani.

Gjithashtu u shpallën në kërkim 2 shtetas: M.Z., dhe P.S.

Në kuadër të këtij mega operacioni, ku u goditën këto 4 grupe kriminale, është zbuluar edhe implikimi i 3 punonjësve të Policisë së Shtetit. Ata akuzohen për veprat penale “Shpërdorim detyre”, “Ndihmë për kalimin e paligjshëm të kufijve”, në kuadër të grupit të strukturuar kriminal dhe organizatës kriminale:

1.    Ardit Gjyriqi, nga Tirana;

2.    Jasin Abdul, nga Saranda;

3.    Bledar Koçi, nga Lushnja.

Ndërkohë në kuadër të këtij procedimi janë arrestuar më herët edhe 12 persona për vepra të ndryshme penale që lidhen me fushën e narkotikëve.

Gjatë kontrolleve të ushtruara u sekuestruan:

• 3 pistoleta;

•3 armë gjahu, çifte dhe fishekë;

• 1 shotgan;

• Presë për lëndë narkotike të llojit heroinë;

• Peshore elektronike;

• Sasi lëndë narkotike heroinë e kokainë;

• 13 mjete, njëri i blinduar;

• Sasi e konsiderueshme parash;

• Rreth 75 telefona celularë.

Policia e Shtetit, nën drejtimin e Prokurorisë po vijon veprimet për të zbardhur rolin dhe aktivitetin e tyre apo personave të tjerë të lidhur me ta.