Përleshje në Bulqizë, theren me thika tre persona

Përleshje në Bulqizë, theren me thika tre persona

17:47, 22/09/2018
A+ Aa A-

Tre persona janë plagosur me thikë në Bulqizë pas një përleshje midis tyre.

Ngjarja ka ndodhur mbrëmjen  ekaluar, kur një persona ka sulmuar dhe plagosur një person tjetër, duke e plagosur rëndë atë me thikë, si edhe djalin e viktimës, një 16-vjeçar.

Nga ana e tij, minoreni ka reaguar, duke plagosur agresorin e babait të tij dhe atij vetë,

Nga ana e Policsë vendore, mësohet se është arrestuar agresori i babait dhe të birit, ndërsa në gjendje të lirë, procedimi ka filluar edhe për 16-vjeçarin.

Komisariati i Policisë Bulqizë

Policia e Bulqizës ka bërë arrestimin në flagrancë të shtetasit:

V. M., 38 vjeç, banues në fshatin Ostren i Madh, Bulqizë, për veprën penale “Plagosje e rëndë me dashje" , "Mbajtje e armëve të ftohta", parashikuar nga nenet 88 e 279 të Kodit Penal.

Ky shtetas rreth orës 21.40 pas një konflikti për motive pronësie ka plagosur me armë të ftohtë thikë shtetasit Sh. M., 52 vjeç, lindur e banues në fshatin Ostren i Madh, Bulqizë, duke i shkaktuar dëmtime të rënda në trup, i cili është dërguar me ambulancë në Spitalin Ushtarak Tiranë për shërbim më të specializuar, ndodhet në gjendje të rëndë.

Si dhe ka plagosur lehtë shtetasin A. M., 16 vjeç, djalin e shtetasit Sh. M., i cili pas mjekimit ka dalë nga spitali.

Gjithashtu po gjatë konfliktit shtetasi A. M., ka plagosur lehtë shtetasin e arrestuar V. M., ku ndaj tij ka filluar procedimi penal në gjendje të lirë për veprën penale të "Plagosjes së lehtë me dashje".

Në cilësinë e provës materiale është marrë dhe sekuestruar arma e krimit (thika me të cilën autori ka kryer plagosjen e shtetasit Sh. M).

Sa më sipër materialet proceduriale do t'i kalojnë Prokurorisë Pranë Gjykatës së Shkallës së Parë Dibër, për veprime të mëtejshme.

© SYRI.net

Lexo edhe:

Komentet

Shto koment

Denonco