Dokumenti/ Ja vendimi i papritur që nxori nga burgu nipin e Enver Hoxhës

Dokumenti/ Ja vendimi i papritur që nxori nga burgu nipin e Enver Hoxhës

10:49, 18/09/2018
A+ Aa A-

Publikohet vendimi i cili liroi nga burgu Ermal Hoxhën, nipin e diktatorit komunist Enver Hoxha.

Vendimi i firmosur më datë 13 shtator, mban firmën e gjyqtarit të Gjykatës së Fierit Piro Sota. Sipas vendimit, trupi gjykues ka pranuar kërkesën e Ermal Hoxhës për pezullimin e ekzekutimit të pjesës së mbetur të dënimit të të dënuarit, me kusht që gjatë një afati prove të barabartë me pjesën e mbetur të dënimit, i dënuari Ermal Hoxha të mbajë kontakte me Zyrën Vendore të Shërbimit të Provës dhe të mos kryejë asnjë vepër tjetër penale.

Ermal Hoxha u arrestua gjatë operacionit në Xibrakë dhe u dënua me 6 vite e 8 muaj burg për trafik narkotikësh.

Në Xibrakë u zbulua një laborator i sofistikuar përpunimi kokaine më 14 janar të 2015 e lajmi bëri bujë në atë kohë. Ky ishte operacion I nisur dhe I konkluduar nga shërbimet sekrete gjermane.

Ermal Hoxha bashkë me tetë të pandehurit e dosjes, përfshirë edhe dy shtetas kolumbiane, u deklaruan fajtorë nga Krimet e Rënda dhe u dënuan me 104 vite burg në total.

Në nëntor 2017, Apeli i Krimeve uli ndjeshëm dënimet e dhëna ndaj tyre, pasi pranoi zbatimin e gjykimit të shkurtuar, duke i ulur çdo të pandehuri një të tretën e masës së dënimit.

Në prill të këtij viti nipi i ish-diktatorit Enver Hoxha, kërkoi të shpallej i pafajshëm, duke i bërë rekurs vendimit të Apelit të Krimeve të Rënda në Gjykatën e Lartë.

     

    © SYRI.net

    Lexo edhe:

    Komentet

    Shto koment

    Denonco