VIDEO/ Kryebashkiakja i dëbon nga shëtitorja e Sarandës, ambulantët protestojnë dhe kërcënojnë: Të presim atje, bashkë me policët

VIDEO/ Kryebashkiakja i dëbon nga shëtitorja e Sarandës, ambulantët protestojnë dhe kërcënojnë: Të presim atje, bashkë me policët

23:12, 21/06/2018
A+ Aa A-

Tregtarët ambulant nuk do të lejohet të ushtrojë aktivitetin këtë sezon turistik në shëtitoren e Sarandës.

Vendimi i ka ngritur në protestë ata, por kryebashkiakja Florjana Koka u bëri të qartë se nuk do të tërhiqet nga vendimi.

Në një përballje me tregtarët për këtë çështje, kryebashkiakja Koka u shpreh e vendosur për ti dhënë fund fenomenit të tregtimit në bulevard, raporton Ora News.

“Kush do të shesë mallra industriale të shkojë tek tregu i qytetit, dakord. Kush shet mallra që bëhen me dorë të vijë aty tek tregu që është bërë në bulevard, për njerëz të llastuar nuk ka vend. Ka dy opsione,  të mos dalësh fare se unë e kam marrë këtë vendim, institucioni e ka marrë këtë vendim dhe të rrish në shtëpinë tënde, ose të zgjedhësh të bësh punë të tjera. Ose të pranosh këtë zgjidhje. Vendimi është i prerë dhe është ky, në qoftë se ju bëhet të shkoni në atë treg, ama në këtë qytet nuk ka ca mos, ca dos”, u shpreh Koka.

Por ajo që duhet të ishte përballje qëndrimesh u karakterizua nga tensione të larta deri në kërcënime ndaj kryebashkiakes së Sarandës.

“Unë atje do jem, e sheh. Hajde të pres, të shohim se çfarë do të bësh. Po të dua dhe ty bashkë me policët, dua ta shikoj surratin aty!”, e sfidoi një qytetar kryebashkiaken e Sarandës.

Në një moment gjatë debatit në sallë u krijua një kaos i vërtetë aq sa edhe një prej të pranishmëve u ndje keq.

Tregtarët braktisën takimin duke u shprehur se nuk lëvizin nga bulevardi dhe se do të gjejnë forma të tjera deri në grevë urie.

Në fakt tregtarët ambulantë nuk lejohen gjatë sezonit turistik përgjatë bulevardit.

Në vendet fqinje ka gjithashtu vende të posaçme si mini-tregje ku si artizanët ashtu dhe tregtarët e vegjël mund të ushtrojnë aktivitetin e tyre.

© SYRI.net

Lexo edhe:

Komentet

Onkezmi22/06/2018 03:30

Une jam Sarandez dhe e mbeshtet vendimin e Bashkise si nje te drejte.Nje vit me pare kam qene ne qytetin tim,dhe jam irituar me kete turm pislleqe ne shtesen e Bulevardi.Bulevardi nuk eshte ndertuar per ca pislleqe qe shesin ambulantet nga e gjithe Shqiperia.Ai eshte ndertuar per njerezit,te dalin te lire ne buze-mbremje.Per ickla-miklat tuaja ka dyqane plot.Biles teper moderne.Dhe ato dyqane tek ishe kthesa e Bulevardit te ndalohen,rrezik qe edhe ato te gjenerojne pisllek Saranda,Qyteti me buzeqeshje te kalter,eshte shquar per pasterti dhe mikpritje...

Shto koment

Denonco