Me pesë vite burgim është dënuar sot Marta Vincenzi, ish kryetarja e Bashkisë së Genova-s, për përmbytjen tragjike të 4 nëntorit 2011.
Datë në të cilën humbën jetën katër gra dhe dy fëmijë. Një nga viktimat ishte edhe shqiptarja Shpresa Djala, 23-vjeçe dhe dy vajzat e saj: Gioia e Janissa, 8 dhe 1-vjeç. Lumi “Fereggiano” doli nga shtrati dhe përmbyti banesën e tyre, ashtu si dhe të viktimave të tjera: Angela Chiaramonte, 40-vjeç, Evelina Pietranera, 50-vjeç, Serena Costa, 19-vjeç.
Ish kryebashkiakja e Genova-s ishte akuzuar për vrasje të shumëfishta të paqëllimshme, dëmtime të paqëllimshme, shkaktim të fatkeqësisë të paqëllimshme dhe shpifje.
Marta Vincenzi
Prokurori Luca Scorza Azzara ka kërkuar një dënim prej 6 vitesh e 1 muaj burgim.
Shpresa Djala dhe bashkëshorti i saj Flamur
Gioia e Janissa Djala
Foto nga përmbytjet në Genova, 2011
/Syri.net/
© SYRI.net