Një lokal është djegur gjatë natës në Shëngjin, në zonën Kune Vain, rreth orës 4:30. Pronar i lokalit është G. Ç. një punonjës i Prokurorisë. Në lokalin e ndërtuar me dru pati vetëm dëme materiale. Policia ka nisur hetimet për të zbuluar nëse djegia ka ndodhur aksidentalisht apo zjarri është vënë qëllimisht.

Policia e Lezhës: Më datë 26.05.2018, rreth orës 04:30 është marrë njoftim se në Kune – Shengjin në Lezhë, ka rënë zjarr në një lokal veror me konstrukt druri, në pronesi të shtetasit G.Ç. Për pasojë ka vetëm dëme materiale. Grupi hetimor në vendngjarje po punon për përcaktimin e shkakut të rënies së zjarrit.