Të shtëna me armë janë shënuar mbrëmjen e sotme në fshatin Drisht në Shkodër. Burime policore konfirmuan për “SYRI.net” se nuk ka të lënduar nga të shtënat.

Sipas të dhënave të para, ka pasur një konflikt mes dy personave që ka degjeneruar në përdorimin e armëve. Një prej tyre ka qëlluar në ajër me armë zjarri. 

Pas marrjes së alarmit, efektivë të policisë mbërritën në vendngjarje dhe shoqëruan dy personat e përfshirë në konflikt si dhe sekuestruan një armë gjahu, me të cilën dyshohet se është qëlluar.