Partia Demokratike e Kosovës ka propozuar miratimin e një rezolute për mbrojtjen e së vërtetës për luftën, pas skandalit me ekspozitën me gabime mbi masakrat e luftës 89-99.

PDK kërkoi që rezoluta të vendoset si pikë e parë e rendit të ditës, në mungesë të mbështetjes nga partitë e tjera, PDK tërhoqi propozimin dhe u largua nga salla.

Arsyetimi i Lëvizjes Vetëvendosje ishte se duhet të dakordohet teksti i rezolutës me përfaqësuesit e të gjitha partive politike.

Në rend dite ishin marrëveshjet ndërkombëtare të cilat kërkojnë 2/3 e votave. Me largimin e PDK-së, këto marrëveshje nuk priten të kalojnë.