Ish i dërguari i Amerikës për dialogun Kosovë-Serbi, Richard Grenell, ka kritikuar kryeministrin e Kosovës, Albin Kurti, për zhvillimet e fundit në veri.

Grenell ka shkruar në rrjete sociale se Kurti po krijon kaos.

“Kryeministri i Kosovës Albin Kurti po krijon kaos të njëanshëm në veri dhe po përpiqet qartë të shpërqendrojë popullin e Kosovës nga politikat e tij katastrofike ekonomike. Deklarata e ambasadorëve të Quintit për shtyrjen e zgjedhjeve është reaktive, e ngadaltë dhe e dobët”, ka shkruar Grenell.

“Kurti ka thyer në mënyrë të njëanshme Marrëveshjen e Brukselit dhe Marrëveshjen e Uashingtonit. Ai ka hedhur poshtë çdo ide amerikane që i është paraqitur. Dhe Departamenti Amerikan i Shtetit DUHET të bëhet më i ashpër me të. Ai vazhdon të mbjellë kaos. Populli i Kosovës meriton më mire”, ka shkruar Richard Grenell.

Kosovo PM @albinkurti is creating unilateral chaos in the North and clearly trying to distract the people of Kosovo from his disastrous economic policies.

The Quint Ambassadors’ statement on the postponement of elections is reactive, slow and weak.

— Richard Grenell (@RichardGrenell) December 10, 2022