'Princ Valentino Corleone' është liruar nga paraburgimi, ku po mbahej prej dy muajsh. Ai sot ka publikuar fotografi, ku shfaqet në ambientet e shtëpisë. Ai ishte arrestuar nën dyshimet se ka kanosur babanë e tij kur ishin në shtëpi.

Lajmin për arrestimin e tij e kishte konfirmuar zëdhënësi i Policisë për rajonin e Gjilanit, Ismet Hashani, për Express. “Ankuesi ka raportuar se djali i tij/ i dyshuari P.V.C e kishte kanosur derisa ishin në shtëpinë e tyre.

I dyshuari dyshohet se në vazhdimësi iu shkakton dhunë në familje duke i kanosur prindërit e tij.

I dyshuari është arrestuar nga policia e Kosovës , ai është intervistuar në bazë të procedurave ligjore. Për rastin është njoftuar prokurori i shtetit i cili ka urdhëruar që i dyshuari zë ndalohet për 48 or. Rasti i referohet Prokurorisë Themelore”.