Pas 20 ditësh në SHBA dhe Zvicër, Albin Kurti me në fund kthehet në Kosovë

Pas 20 ditësh në SHBA dhe Zvicër, Albin Kurti me në fund kthehet në Kosovë

23:21, 26/05/2022

Kryeministri i Kosovës, Albin Kurti, ka mbërritur në Kosovë pas dy vizitave zyrtare që i ka pasur në ShBA dhe Zvicër.

Këtë e ka konfirmuar zëdhënësi i qeverisë, Përparim Kryeziu.

“Po, sot ka mbërritur në Kosovë”, është shprehur Kryeziu, raporton Klankosova.tv.

Kurti ka qëndruar 20 ditë jashtë Kosovës, ku për dy javë qëndroi në Shtetet e Bashkuara të Amerikës ndërsa afro një javë në Zvicër.

Gjatë vizitës së tij në ShBA, kreu i qeverisë kosovare është takuar me kongresmenë dhe senatorë amerikanë, drejtues të kompanive të mëdha dhe komunitetin shqiptar që jeton atje.

E në Zvicër, ku shkoi direkt nga ShBA-ja, kryeministri Kurti mori pjesë në Forumin Ekonomik Botëror të Davosit, ku u takua me liderë të ndryshëm.

I pari i Qeverisë së Kosovës në Zvicër u takua edhe me zëvendëspresidentin Alain Berset, derisa as në këtë vend nuk e la pa takuar mërgatën shqiptare dhe përfaqësues të bizneseve.

Në ndërkohë, Abin Kurti në Kosovë u kritikua nga opozita për qëndrimin e gjatë jashtë vendit derisa takimet e tij i cilësuan si të zbehta.

© SYRI.net

Lexo edhe:

Komentet

Shto koment

Denonco