Prishtinë - Zëdhënësi i KEDS, Viktor Buzhala ka thënë se ngrohja është shpenzuesi kryesor, tek rastet ku shtëpia ngrohet me ngrohje elektrike. Pas ngrohjes, ai ka thënë se shpenzuesi kryesor është bojleri. Buzhala ka thënë se bojleri nuk duhet të qëndrojë gjatë gjithë kohës ndezur sepse shpenzon.

Siç ka thënë ai, pa nxehje ai krijon rreth 25 përqind të faturës mujore. “Bojleri nuk duhet të jetë gjithë kohën ndezur, duhet të lëshohet në intervale të caktuara, mirëpo gjatë gjithë ditës shkakton shpenzim, është rreth 45 përqind e faturës mujore; pastaj është enëlarsja, frigoriferi e të tjera”, ka thënë ai.