Kryeministri i Kosovës Albin Kurti ka reaguar për atë që e quajti "lajm të kobshëm", aksidentin e familjeve, të rinjve, fëmijëve shqiptare nga Maqedonia e Veriut që u dogjën brenda një autobuzi në Bullgari.

"I trishtuar dhe i pikëlluar nga lajmi për aksidentin tragjik në Bullgari, - shkroi Kurti në Fb. - Shpreh ngushëllimet më të sinqerta dhe ndaj dhimbjen me familjet e viktimave, dhe u bashkohem lutjeve për shërim sa më të shpejtë të të lënduarve. Momente të vështira si këto lehtësohen duke i qëndruar pranë njëri-tjetrit.

Republika e Kosovës bashkëndjen me Maqedoninë e Veriut, popullin e saj dhe të gjithë shqiptarët e tronditur nga ky lajm i kobshëm, dhe shprehë gatishmërinë e plotë për të ofruar ndihmën e saj në çdo kapacitet."