Vazhdon bllokada në Jarinje edhe sot kur u shënua dita e tetë që kur qeveria mori vendimin për vendosjen e reciporcitetit të targave me Serbinë. Protestues serbë vazhdojnë të mbajnë të bllokuar këtë pikë kufitare.

Gazetari i T7, Çlirimtar Morina, i cili po qëndron në Jarinje prej mëngjesit ka treguar për situatën aktuale atje.

Thotë se gjatë ditës situata ishte e qetë derisa janë parë pjesëtarë të KFOR’it amerikan dhe polak.

Patrullimin po e vazhdon edhe EULEX.

“Gjatë ditës së sotme është ngritur edhe një tendë e cila u prit me brohoritje nga protestuesit serbë”, raportoi ai.

Por situata duket më ndryshe në orët e mbrëmjes kur temperaturat kanë rënë dhe ka filluar shiu.

Gazetari thotë se protestuesit serbë kanë ndezur zjarre për tu ngrohur derisa po këndojnë këngë me motive nacionaliste.