Prej pesë ditësh situata vijon e tensionuar në veri të Kosovës, ku serbët lokal po mbajnë të bllokuara rrugët në pikat kufitare, duke rritur ndasitë mes dy vendeve, gjë e cila ka sjellë edhe reagimin e NATO-s.
Përmes një postimi në Twitter, Zëdhënësja e Aleancës Veriatlantike, Oana Lungescu, ka thënë se NATO u bënë thirrje palëve që menjëherë t’i ulin tensionet dhe t’i kthehen dialogut.
“NATO bën thirrje për shtensionim të menjëhershëm në veri të Kosovës. U bëjmë thirrje Beogradit e Prishtinës të përmbahen, të shmangin veprimet e njëanshme e të kthehen në dialog. Mandati i KFOR-it mbetet për të garantuar mjedis të sigurt dhe liri të lëvizjes për të gjitha komunitetet”, ka thënë zëdhënësja e NATO-s, Oana Lungescu.
Dy pikat kufitare Kosovë-Serbi në veri të Kosovës, po vazhdojnë të qëndrojnë të bllokuara pasi serbët lokalë kundërshtojnë vendimin e autoriteteve të Kosovës për reciprocitet në çështjen e targave të veturave të Serbisë, që hyjnë në Kosovë.
© SYRI.net