Ka vazhduar edhe dje debati në Kosovë rreth faktit se a ka qenë ose jo kryeministri, Albin Kurti pjesë e UÇK-së.

Njëri nga personat kryesor në themelimin e UÇK-së, Xhavit Haliti ka thënë se Kurti ka qenë pjesë e UÇK-së, por se roli i tij ka qenë minor.

Më tej Haliti ka përmendur një mospajtim që sipas tij, Kurti ka pasur me strukturat e UÇK-së dhe i është ndaluar të flasë në emër të UÇK-së.

“Unë e di kohën kur ai është angazhuar, është angazhuar në zyrën e zotit Demaçi dhe Demaçi ka qenë i ngarkuar për ndërtimin e asamblesë së Kosovës në kohën e Luftës, se a ka qenë në beteja ose jo se unë nuk e di, nuk kam qenë as vetë këtu, por roli i tij në UÇK ka qenë minor.

Unë kam folë me bacën Adem për Kurtin, ai ka qenë njohës i mirë i gjuhës serbe dhe angleze, por edhe shqipe dhe i ka shërby zotit Adem shumë në përkthime, por e ka pasur një problem me strukturat e UÇK-së dhe ia kanë ndaluar të flasin në emër të UÇK-së. Por mas luftës kemi qenë në shtëpinë e Albinit, kur ka ardhë nga burgu”, ka thënë Haliti në ATV.