Forcat serbe gjatë luftës në Kosovë, kishin bërë përpjekje të ndryshme për të fshehur krimin kundër popullatës civile. Tentativë për të fshehur krimin ata kishin bërë edhe në Krushën e Vogël të Rahovecit, kur trupat e vrarë dhe të masakruar i kishin hedhur në lumin Drin i Bardhë.
Për këtë në qershor të vitit 1999, ashtu siç tregojnë edhe pamjet e asaj kohe, gazetari anglez John Sweeney, që ka raportuar nga Kosova, në atë kohë kishte hyrë në lumë për të kërkuar trupat e shqiptarëve të vrarë që ishin hedhur aty, shkruan Veriu info.
Pas më shumë se 20 viteve nga kjo ngjarje, gazetari Sweeney kishte dëshmuar në rastin gjyqësor kundër Darko Tasiçit i cili është dënuar për krime lufte kundër bashkëfshatarëve të tij në Krushë të Vogël.
© SYRI.net