“Një natë e jashtëzakonshme” e përshkroi Richard Grenell, emisar special i SHBA-së për dialogun, darkën që kishte në Beograd me zyrtarët serbë, përfshirë presidentin Aleksander Vuçiç dhe kryeministren, Ana Bërnabiç.
Nën tingujt e muzikës amerikane, me verë e ushqime, Grenell publikoi një video të festës së mbrëmshme në Beograd, ku të pranishëm ishin delegacioni amerikan dhe zyrtarët e qeverisë dhe presidencës serbe, shkruan lajmi.net.
“Nderin” e gostisë, Grenell, Vuçiçit ia ktheu me një dhuratë, që në dukje në fotografinë e postuar nga Vuçiç duket të jetë një libër.
“Faleminderit Richard Grenell, për përkushtimin dhe punën e mirë për rajonin. Dhe faleminderit për dhuratën e mrekullueshme”, ka shkruar Vuçiç.
Libri që Grenell ia ka dhuruar Vuçiqit ka të bëj me dekorimin e Shtëpisë së Bardhë.
Ky libër bën fjalë për stilet e veçanta të familjeve presidenciale që kanë qëndruar ndër vite në Shtëpinë e Bardhë.
© SYRI.net