Një stuhi e fortë ere dhe shiu, rreth orës 13.30, ka përfshirë të mërkurën, fshatin Llashticë të Gjilanit, duke shkaktuar dëme të konsiderueshme materiale.
Komuna njoftoi se menjëherë në vendin e ngjarjes kanë dalë ekipet e Njësitit të Zjarrfikjes dhe Shpëtimit dhe larguan ujin nga dy bodrume të shtëpive atje.
Komandanti i Njësitit të Zjarrfikjes dhe Shpëtimit, Rabit Murseli, ka njoftuar se stuhia e fortë kishte dëmtuar një çati të një lokali, një dritare të ambulancës, gjashtë shtylla të tensionit të lartë, por fatmirësisht nuk pati dëme në njerëz.
© SYRI.net