Konfirmohen 7 raste të reja me koronavirus në Kosovë

Konfirmohen 7 raste të reja me koronavirus në Kosovë

22:53, 23/05/2020

Instituti Kombëtar i Shëndetit Publik ka regjistruar të shtunën shtatë raste të reja me koronavirusin e ri, pas kryerjes së 306 testeve.

"Rastet pozitive janë raste kontakti nga: komuna e Prizrenit 3 raste (sipas vendbanimit:1 rast Gërnçar, 1 rast Jabllanicë dhe 1 rast Prizren), komuna e Vushtrrisë 3 raste (sipas vendbanimit: 3 raste Vushtrri) dhe 1 rast me vendbanim në Prishtinë", është thënë në njoftim, sipas Rel.

Po të shtunën është bërë e ditur se nga sëmundja, Covid-19, që shkakton ky virus, janë shëruar tre pacientë, duke e çuar numrin total në 785.

Marrë parasysh të dhënat e fundit, në Kosovë deri më tani janë regjistruar 1,032 raste me koronavirus.

Prej tyre, 29 pacientë kanë vdekur.

© SYRI.net

Lexo edhe:

Komentet

Shto koment

Denonco